One-to-One Mentorship
Aap ki trading kahan tooti hai — teen sessions mein dhoond kar theek karte hain.
Yeh course nahi hai. Yeh diagnosis hai. 15 saal market mein guzaar kar maine dekha hai ke zyada tar traders ko nayi strategy ki nahi, apni purani galti pakarne ki zaroorat hoti hai.
Program video coming soon
Teen sessions, ek natija
Session 1
Diagnosis
Aap ki trading history, journal aur screenshots ke saath baith kar asal masla dhoondte hain — psychology, money management, ya strategy. Session ke aakhir mein aap ko likhi hui tasks list milti hai.
Session 2
Review
15 se 30 din baad. Main aap ka kaam khud check karta hoon — kya theek hua, kahan aap phir phisle. Yahan se agla step aur corrections tay hote hain.
Session 3
Conclusion & plan
Poora safar samet kar ek final written plan: yeh aap ki condition thi, yeh identify hua, yeh change hua, aur aage yeh galtiyan dobara nahi karni. Yeh document aap ke paas rehta hai.
Sessions ke darmiyan 15 se 30 din ka waqfa hota hai — is liye ke behtari kaam karne se aati hai, sunne se nahi.
Sirf baat-cheet nahi — likha hua kaam
- Har session ka recap document — discussion, findings aur assessment likhi hui shakal mein.
- Things-to-do list: agli meeting se pehle aap ne kya karna hai.
- Zaroorat ke mutabiq worksheets — journal template, risk sheet, psychology checklist.
- Final written plan jo aap sessions ke baad bhi use karte rahenge.
- Session recording on request — meeting shuru hone se pehle bata dein.
Investment
$100
3 sessions · 30–60 minutes each · Zoom
- Har session ka written recap aur task list
- Worksheets aur final plan document
- Recording on request
- Urdu, Hindi ya English
Extra sessions teen ke baad alag se book ki ja sakti hain.
Yeh program aap ke liye hai agar
- Aap ne pehle losses kiye hain aur samajh nahi aa raha dobara kahan se start karein.
- Aap ko strategy aati hai lekin discipline par amal nahi hota — revenge trading, over-trading, over-leverage.
- Aap ka account baar baar usi jagah se toot-ta hai aur wajah pakar mein nahi aa rahi.
- Aap trading karte hain lekin koi likha hua plan, risk rule ya journal maujood nahi.
Yeh program aap ke liye nahi hai agar
- Aap udhaar, qarz ya ghar ke zaroori kharch ke paison se trading kar rahe hain.
- Aap guaranteed profit, signals ya account management chahte hain — hum yeh nahi dete.
- Aap teen hafte mein nuqsan wapas lena chahte hain. Yeh program us raftaar par kaam nahi karta.
Agar aap financial pressure mein hain to hum sach bata dete hain: is waqt aap ko coaching nahi, market se faasla chahiye. Hum aisi haalat mein application accept nahi karte.
Jinhon ne pehle mentorship li
Aam sawalat
- Sessions kahan hoti hain?
- Zoom par, one-to-one. Har session 30 se 60 minute ka hota hai, aap ki timezone ke mutabiq schedule hota hai.
- Kya recording milti hai?
- Ji haan, request par. Meeting shuru hone se pehle bata dein — ya to aap khud record kar lein, ya hum record kar ke aap ko link bhej dete hain.
- Zaban kaun si hoti hai?
- Urdu, Hindi ya English — jo aap ke liye aasaan ho.
- Teen se zyada sessions chahiye to?
- Teen sessions ke baad extra session alag se book kiya ja sakta hai. Agar aap ko lambi, structured teaching chahiye to One-to-One Training dekhein.
- Payment kaise hoti hai?
- Pehle form bhar dein. Seat confirm hone par hum aap ke chune hue method (bank transfer, USDT, Binance) ki details email kar dete hain. Bank details website par public nahi hain.
- Refund policy kya hai?
- Agar pehli session hone se pehle aap cancel karte hain to poori raqam wapas. Pehli session ho jane ke baad refund nahi hota, kyunke kaam shuru ho chuka hota hai.
Apply for one-to-one mentorship
Form bhar dein. Hum 48 ghante mein jawab dete hain aur seat confirm hone par payment details email kar dete hain.
Agar aap ko basic se advance tak poori, lambi training chahiye — sirf problem-solving nahi — One-to-One Training dekhein.
Risk warning: Trading mein nuqsan ka asal khatra hota hai. Yeh mentorship taleem aur coaching hai — koi profit guarantee, signal service ya account management nahi. Kisi bhi natije ki zimmedari aap ki apni hai.